طاجن بطاطس باللحمه | بطاطس باللحمه في الفرن
طريقة عمل صينية البطاطس باللحمة أو طاجن البطاطس باللحمه من الأكلات اللذيذة والمميزة خصوصا في مصر وطريقة تحضيرطاجن البطاطس باللحمه سهله جدا وخطواتها بسيطه بدون مجهود وطعمها لذيذ جدًا وبنقدمها مع رز وسلطه خضرا.
مكونات صنية البطاطس أو طاجن البطاطس
لحم ستيك
زبده، زيت
فلفل اسود
بصله مفرومه
بطاطس شرائح
بصل شرائح
فلفل رومي شرائح
٢ م.ك صلصة
لتر عصير طماطم
مية
ورق لورى ، حبهان
بابريكا
خطوات طاجن البطاطس باللحمه
- في طاسه على النار بضيف الزبده مع الزيت حسب كمية اللحم المتوفر وبضع اللحم ياخد تشويحه على الاتجاهين.
- بعد ما اللحم ياخد لون من الاتجاهين بضيف البصله المفرومه مع رشه من الفلفل الاسود وبعد ما تاخد لون بضيف الصلصه والمية.
- لازم اللحمه تستوي كويس جدا قبل ما بضيفها على الطاجن
- في طاجن بضيف البصل والبطاطس والفلفل الاخضر واضيف التوابل واخلطهم مع بعض كويس وبنزل عليهم باللحمه مع الصلصه وبدخلها فرن ساخن واغطيها لحد ما تستوي.
- بعد ما طاجن البطاطس باللحمه يستوي بفتح الشوايه تاخد لون الشوي الجميل
ملحوظة:
البطاطس مش بتاخد وقت علشان تستوي فبنشوح اللحمه الستيك بالزبدة وتستوي كويس ولو احتاجت ميه بزود لحد قبل ما ادخلها الفرن وبغطي الطاجن علشان ميتحرقش ولما البطاطس تستوي بفتح الشواية تاخد لون .
وعملتها في الطاجن بيدي طعم جميل للأكل جربوها وقولولي رأيكم في التعليقات 💓
لازم تتبلوا البصل مع الفلفل الاسود والملح كويس و تضيفوا باقي المكونات
وبالهنا والشفا
***********************
***********************
إرسال تعليق